Feeds:
ប្រកាស
មតិ

Archive for the ‘គួរយល់ដឹង’ Category

 

នៅ​ពេល​ដឹង​ថា​ប្តី​ជា​ហ្គេយ៍​ ភរិយា​មួយ​ចំនួន​អាច​​នឹង​មាន​អារម្មណ៍​ថា​ ពិភព​លោក​​ទាំង​មូល​កំពុង​​ត្រូវ​រលំ​រលាយ ឬ​ផែន​ដី​ត្រូវ​ជាប់​គាំង​ស្ងៀម​លែង​ដើរ​ទៅ​មុខ។ ខ្លះ​​ទៀត​មាន​អារម្មណ៍​តក់​ស្លុត​ ខឹង​ ខ្មាស​អៀន​ ឈឺ​ចាប់​ ស្មុគ​ស្មាញ​ ឆ្ងល់សង្ស័យ ឯកោ សោក​សៅ… ខ្លះ​ទទួល​អារម្មណ៍​ថា​ត្រូវ​ស្វា​មីក្បត់​បោក​ប្រាស ភ័យ​ខ្លាច​អ្នក​ដទៃ​ដឹង​ឮ​ អាណិត​ខ្លួន​ឯង​និង​កូន​ៗ​ ផ្តន្ទា​ដាក់​ទោសខ្លួន​ឯង រហូត​​ធ្ងន់​ធ្ងរ​បំផុត​ដល់​ថ្នាក់​​​មាន​គំនិត​ចង់​សម្លាប់​ស្វាមី​ សម្លាប់​ខ្លួន​ឯង​និង​កូន​ៗ​ ឲ្យ​ស្លាប់​​ផុត​​ពី​​ទុក្ខ​វិបត្តិ​ទាំង​នេះ​។           ដើម្បី​ជា​ការ​​លួង​លោម​​ចិត្ត​ដល់​ខ្លួន​ឯង​ មិន​ថា​អ្នកទទួល​អារម្មណ៍​​យ៉ាង​ណា​​​​​​​​ កុំ​គិត​ខ្លី​ឲ្យ​សោះ ជីវិត​មាន​ច្រក​ចេញ​ជានិច្ច។

  • តាំងសតិស្មារតី

          ត្រូវ​តាំង​ស្មារតី​ឲ្យ​បាន នៅ​ពេល​​ត្រជាក់​ចិត្ត​​​ខ្លះ​ហើយ ​​ត្រូវ​ខិត​ខំ​​ប្រមែ​ប្រមូល​រក​មើល​ចំណុច​​​ល្អ​ចំណុច​ខ្សោយ​ អ្វី​ដែល​អាច​ទទួល​យក​បាន​អត់​ធន់​បាន ឬ​អ្វី​ដែល​អត់​ធន់​មិន​បាន​ទទួល​យក​មិន​កើត​ ដើម្បី​រួប​រួម​ទម្ងន់​របស់​ហេតុ​និង​ផល ​​ដែល​អ្នកត្រូវ​​បែក​គ្នា​ឬ​នៅ​ជាមួយ​គេ​​បន្ត​។ ការ​បែក​គ្នា​នោះ​​មាន​ទាំង​ការ​បែក​គ្នា​ជា​អចិន្ត្រៃយ៍​​​ស្អប់​គ្នា​​រហូត​មិន​មើល​មុខ​ និង​ការ​បែក​​ដោយ​ធ្វើ​​ជា​មិត្ត​​ភក្តិ​នឹង​គ្នា ​​នៅ​​ទៅ​មក​រក​គ្នា​​បាន​។ ពាក្យ​ថា​នៅ​ជា​មួយ​គេ​នោះ​​ក៏​មាន​​ទាំង​បែប​នៅ​ដោយ​គ្មាន​លក្ខខណ្ឌ​ដូច​ដើម ​​ឬ​នៅ​បែប​គ្មាន​ទំនាក់​ទំនង​ផ្លូវ​ភេទ​ កំណត់​​​ជីវិត​បែប​​មាន​ឥស្សរភាព ដោយ​ភាគីទាំង​សងខាង​អា​ច​មាន​អ្នក​ថ្មី​​រៀង​ៗ​ខ្លួន​បាន។

  • ធ្វើការស្វែងយល់ពីអារម្មណ៍របស់ខ្លួនឯង ស្វាមី ហើយនិងកូនៗ

          ដំណាក់​ការដំបូង​បំផុត​ បើ​អ្នក​គ្មាន​អារម្មណ៍​​កើត​ទុក្ខ​ភ័យ​ព្រួយ ​ដោយ​ចាត់​ទុក​វា​ថា​ជា​រឿង​ធម្មតា​​(មាន​តិច​បំផុត​ដែល​គិត​បែប​នេះ)​​ក៏​មិន​ចាំ​បាច់​ធ្វើ​អ្វី​ដែរ​​ តែ​បើ​អ្នក​​​​កើតមាន​បញ្ហា​ទុក្ខ​ព្រួយ​​ត្រូវ​ព្យាយាម​​អូស​ទាញ​អារម្មណ៍​របស់​ខ្លួន​ ឲ្យ​ត្រលប់​មក​សភាព​ដើម​វិញ​​ឲ្យ​បាន​លឿន​បំផុត​។ ច្រើន​គ្នា​អាច​​ពឹង​អាស្រ័យ​នឹង​មនុស្ស​​នៅ​ក្នុង​គ្រួសារ​ មិត្ត​ភក្តិ​ញាតិ​សន្តាន​ ​(អាស្រ័យ​លើ​ការ​ជឿទុក​ចិត្ត​និង​ជិតស្និទ្ធ​កម្រិត​ណា)​​​ដើម្បី​​ពិភាក្សា​​​​រម្លែក​ទុក្ខ​សោក ​និង​​បន្ធូរ​អារម្មណ៍​តាន​តឹង​។ អ្នក​ខ្លះ​​ អាស្រ័យ​លើ​ការ​អាន​សៀវភៅ​ស្វែង​យល់​អំពី​ហ្គេយ៍ ខ្លះទៀត​​​​​អាស្រ័យ​លើ​​គ្រូ​ពេទ្យ​ផ្លូវ​ចិត្ត ហើយមាន​មួយ​ចំនួន​​​​ជា​មនុស្ស​រឹងប៉ឹង​ខ្លាំង​ណាស់​ដោយ​អាស្រ័យ​លើ​ការ​ធ្វើ​សមាធិ​​​​រម្ងាប់​អារម្មណ៍​ដោយ​ខ្លួន​ឯង។

          ដំណាក់​ការ​​ទី​២​​ ត្រូវ​បបួល​ស្វាមី​និយាយ​​គ្នា​ពីរ​នាក់​ត​ទល់​​ ដើម្បី​ឲ្យ​ដឹង​ពី​អារម្មណ៍​​ពិត​ប្រាកដ​​​ឬ​សេចក្តី​ត្រូវ​ការ​ពិត​ប្រាកដ​របស់​គេ។ អ្នក​អាច​នឹង​ត្រូវ​ដើរ​ចេញ​ពី​ភាព​ជា​ម្ចាស់​​ឬជា​​​​ភរិយា​ត្រលប់​មក​​ស្ថិត​​​នៅ​ក្នុង​ឋានៈ​​ជាមិត្ត​ភក្តិ​ជិត​ស្និទ្ធ​ក៏​បាន​ ដើម្បី​​ពេល​មានបញ្ហា​នឹង​បាន​ពិភាក្សា​គ្នា។

          បើ​កូន​ៗ​​ធំ​អស់​​ហើយ​ អាច​និយាយ​នឹង​ពួក​គេ​ដោយ​បើក​ចំហ​​​ពី​រឿង​ឪពុក​ជា​ហ្គេយ៍​ តែ​បើ​កូនៗ​​នៅ​តូច​​ អ្នក​ខ្លះ​អាច​ត្រូវ​បិទ​បាំង​​រឿង​នេះ​ទុក​សិន​ ​ទម្រាំ​តែ​កូន​ៗ​អាច​​ស្វែង​យល់​​បាន​ពី​អ្វី​ដែល​ហៅ​ថា​ហ្គេយ៍។​ ទោះ​​ជា​យ៉ាង​ណា​ក៏​ដោយ​​ គ្រួ​សារ​ជា​ផ្នែក​មួយ​ដែល​អាច​បិទ​​បាំង​សង្គម​ខាង​ក្រៅ​ព្រោះ​ខ្លាច​មាន​បញ្ហា​នៅ​ក្នុង​សង្គម​។ ទោះ​ជា​យ៉ាង​ណា​ក៏​សុំ​ឲ្យ​រម្លឹក​ថា​ ហ្គេយ៍​ជា​ច្រើន​នាក់​ទោះ​បី​ជា​មិន​អាច​ធ្វើ​​ជា​ស្វាមី​ដ៏​ល្អ​ត​ទៅ​ទៀត​​ តែ​គេ​ក៏​អាច​ធ្វើ​ជា​ឪពុក​ដ៏​ល្អ​​និង​មិត្ត​ដ៏​ល្អ​បា​ន។

  •  បើកឱកាសឲ្យមានច្រើនច្រកសម្រាប់ដើរ

          នេះ​មិន​មែន​មាន​ន័យ​ថា ​អ្នក​ត្រូវ​តែ​ធ្វើ​ចិត្ត​ព្រម​​ទទួល​​ភាព​ជា​ហ្គេយ៍​របស់​ស្វាមី​នោះ​ទេ​ តែ​ត្រូវ​ជ្រើស​រើស​ផ្លូវ​ដើរ​ដែល​ល្អ​បំផុត​ដោយ​មិន​​ប្រើ​អារម្មណ៍​​ដូច​ជា​ ​មាន​ហ្គេយ៍​មួយ​ចំនួន​​ភ្ញាក់​រឭក​ដឹង​​កំហុស​ខ្លួន​ ​មិន​ចង់​​ក្លាយ​​ជា​ហ្គេយ៍​​​​​​​​​​​​​​​​​​​​​​​​​​​​​​​​ តែ​ក៏​ធ្លោយ​វក់​​​នឹង​បរិស្ថាន​ជុំ​វិញ​ខ្លួន​​ បើ​ប្តូរ​កន្លែង​ធ្វើ​ការ​ ប្តូរ​ការសេព​គប់​មនុស្ស​ ​ប្រហែល​ជា​អាច​បញ្ឃប់​ប្រតិ​កិរិយា​បែប​នោះ​បាន។ ​នៅ​ក្នុង​ករណី​នេះ​អ្នក​គួរ​តែ​និយាយ​​ផ្តល់​ឱកាស​ឲ្យ​គេ​ភ្ញាក់​រឭក​ តែ​អ្នក​ខ្លះ​ក៏​មិន​អាច​បញ្ឈប់​ព្រឹត្តិកម្ម​នេះ​បាន​​ តែខំ​​តាំង​ចិត្ត​បិទ​បាំង​អារម្មណ៍​ដែល​​​ត្រូវ​ការ​ក្លាយ​​ជា​ហ្គេយ៍​​ពេញ​លក្ខណៈរបស់​ខ្លួន​ ដូច្នេះ​អ្នក​​អាចសម្រេច​ចិត្ត​​​រស់​នៅ​​បែក​គ្នា​ក៏​បាន​​។​

  • កុំនៅតែម្នាក់ឯង​   

          ​ការ​​នៅ​កណ្តោច​កណ្តែង​តែ​ម្នាក់​ឯង​ នឹង​ធ្វើ​ឲ្យ​អ្នក​​កាន់​តែ​គិត​កាន់​តែ​ស្មុគ​ស្មាញ​ កាន់​តែ​ឈឺ​ចាប់​​ជាមួយ​នឹង​បញ្ហា​ដែល​កើត​ឡើង​​ ធ្វើ​ឲ្យ​មិន​អាច​ស្វែងរក​​ច្រក​ចេញ​បាន​។ បច្ចុប្បន្ន​បញ្ហា​ដែល​ស្វាមី​ជា​ហ្គេយ៍​កើត​​​​មាន​កាន់​តែច្រើន​ឡើង ទើប​​បង្កើត​ឲ្យ​មាន​ក្រុម​ឬ​មជ្ឈមណ្ឌល​​ដែល​អាច​ពិភាក្សា​​ផ្តល់​ការ​ប្រឹក្សា​បាន​យ៉ាង​ល្អ​​មិន​ថា​តាម​ប្រព័ន្ធ​អ៊ីនធើណេត​ សមាគម​ហ្គេយ៍​ ឬ​មន្ទីរ​ពេទ្យ​ផ្លូវ​ចិត្ត​ឡើយ។ ដូច្នេះ​អ្នក​គួរ​តែ​ស្វែង​រក​សេវា​កម្ម​ទាំង​នោះ​ដើម្បី​ប្រឹក្សា​ផ្លាស់​ប្តូ​រ​យោបល់។

          *** ការពារខ្លួននឹងជំងឺផ្លូវភេទ​​​ជាមួយហ្គេយ៍

          មិន​ថា​អ្នក​សម្រេចចិត្ត​​នៅ​ជាមួយ​គ្នា​ ឬ​លែង​លះ​គ្នា​​ជាមួយ​ស្វាមី​ដែល​ជាហ្គេយ៍​​នោះ​ទេ អ្វី​ដែល​សំខាន់​គឺ​ត្រូវ​ត្រួត​ពិនិត្យ​​រក​មើល​​ជំងឺ​ ដែល​​ឆ្លង​តាម​ទំនាក់​​ទំនង​ផ្លូវ​ភេទ​​ក្នុង​ពេល​បច្ចុប្ប​ន្ន ​ដើម្បី​ការ​ពារ​​​រោគ​ឆ្លង​តាម​​ទំនាក់​ទំនង​ផ្លូវ​ភេទ​ក្នុង​ពេល​អនាគត​។ វិធី​ដែល​ល្អ​បំផុត​គឺ​ត្រូវ​ទៅ​ពិគ្រោះ​ជា​មួយ​គ្រូពេទ្យ​​ដើម្បី​ត្រួត​ពិនិត្យ​ឈាម។​​ បើ​មាន​ការ​រួម​ភេទ​កើត​ឡើង​ត្រូវ​ប្រើ​ស្រោម​អនាម័យ​គ្រប់​ពេល​ និង​ណែនាំ​ស្វាមី​ឲ្យ​ប្រើ​ស្រោម​អនាម័យ​គ្រប់​ពេល​ដែល​មាន​សម្ព័ន្ធ​ផ្លូវ​ភេទ​ជាមួយ​បុរស​ដទៃ៕     

បំណង​ល្អ​ពី​ សួន សុបិន

Read Full Post »

​សំណួរ​ដែល​​​ទទួល​បាន​ការ​ចោទ​សួរ ​និង ​ត្រូវ​ការ​ចម្លើយ​តប​​ច្រើន​បំផុត​នោះ​ គឺ​​ថា​តើ​​បុរស​ត្រូវ​ការ​មាន​សង្សារ​ដែល​​ជា​ក្រមុំ​បរិសុទ្ធ​ពិត​មែន​ឬ? នៅ​ក្នុង​ពិភព​លោក​បច្ចុប្បន្ន​ ដែល​​សេរី​ភាព​នៃ​ការ        ​សម្តែង​ចេញ​​ខាង​ភេទ​ចូល​ដល់​កម្រិត​មួយ​ ដែល​​ហៅ​ថា​បើក​ចំហ​ និ​ង ​មាន​លក្ខណៈ​ស្មើ​ភាព​គ្នា​ជា​​​លំដាប់​​ហើយ​នោះ​​ តែ​សំណួរ​ដែល​ទាក់​ទង​នឹង​ក្រមុំ​បរិសុទ្ធ​ និង ​មិន​បរិសុទ្ធ​ក៏​នៅ​ជា​បញ្ហា​ដដែល។

តាម​ការស្ទាប​ស្ទង់​មួយ​​បង្ហាញ​ថា​​ បុរស​ត្រូវ​ការ​រៀប​ការ​និង​​រស់​នៅ​ ជាមួយ​នារី​ដែល​ល្អ​បរិសុទ្ធ​ តែសួរ​ថា​ ​បើ​រឿង​​ប្រលូក​នឹង​ការ​រួម​ភេទ​មុន​រៀប​ការ​ នៅ​តែ​ជា​រឿង​ធម្មតា​របស់​បុរស​នៅ​ក្នុង​សង្គម​​ហើយ តើ​ឲ្យ​យើង​ទៅ​រក​ក្រមុំ​បរិសុទ្ធ​មក​ពី​ណា?

បុរសត្រូវការអ្វី?

តាម​ទិន្ន​ន័យ​ដែល​ទទួល​បាន​ ពី​ការ​​ស្ទង់​មតិ​​​ក្រៅ​ផ្លូវ​ការ​មួយ​​​បង្ហាញ​ថា ក្នុង​ចំណោម​បុរស​២៥​នាក់​មាន​១៤​នាក់​ត្រូវ​ការ​ក្រមុំ​​ព្រហ្មចារីយ៍​ធ្វើ​ជា​ភរិយា​ ខណៈ​ដែល​១១​នាក់​​ទៀត​ឆ្លើយ​តប​ថា​បរិសុទ្ធ​ឬ​មិន​បរិសុទ្ធ​​ក៏​បាន ដែល​​នេះ​សង្កេត​ឃើញ​ថា ​​ទាំង​ពីរ​ក្រុម​សុទ្ធ​តែ​មាន​ទំនោរ​ មក​ខាង​ក្រមុំ​បរិសុទ្ធ​ទាំង​អស់​​ ដោយ​គ្មាន​នរណា​តប​ថា​ ចូលចិត្ត​ក្រមុំ​មិន​បរិសុទ្ធ​ជាង​នោះ​ទេ​ ហើយ​ដែល​គួរ​ឲ្យ​កត់​សម្គាល់​នោះ​គឺ​ថា បុរស​ដែល​ចូលរួម​ឆ្លើយ​តប​​នឹង​​​សំណួរ​​នេះ ​សុទ្ធ​តែ​នៅ​កំលោះ​មិន​ទាន់​រៀប​ការ និង​សុទ្ធ​តែ​មាន​ការ​ពាក់​ព័ន្ធ​​​នឹងស្រី​កំណាន់​ឬ​ស្រី​ជា​សង្សារ​យ៉ាង​តិច​២នាក់។

ទោះ​បី​ជា​ការ​ធ្វើ​ស្ថិតិ​លើក​នេះ ​ប្រាស​ចាក​ពី​លក្ខណៈ​វិទ្យាសាស្រ្ត​បន្តិច​ក៏​ពិត​មែន​ តែ​យ៉ាង​ហោច​ណាស់​ក៏​យើង​​ដឹង​ថា​ បុរស​ត្រូវ​ការនារី​ដែល​ស្អាត​ស្អំ​បរិសុទ្ធ​​​បំផុត​តាម​ដែល​អាច​រក​បាន ​​នៅ​ពេលដែល​ត្រូវ​ការ​រៀប​អាពាហ៍​ពិពាហ៍​ ទាំង​ដែល​ពួកគេ​​ក៏​សុទ្ធ​តែ​ឆ្លង​កាត់​​បទ​ពិសោធន៍ ​​រឿង​សង្សារ​យ៉ាង​ជោក​ជាំ​រួច​មក​ហើយ​ និង​ខ្លះ​មាន​ឌុប​រហូត​រាប់​ភ្លេច​ទៅ​ទៀត។ 

​បញ្ហា​របស់​មនុស្ស​ប្រុស ​គឺ​ពួកគេ​ត្រូវ​ការ​ទាំង​អស់ ​ទាំង​ក្រមុំ​បរិសុទ្ធ​សម្រាប់​រៀប​អាពាហ៍​ពិពាហ៍​និង​​ក្រមុំ​​ចូលចិត្ត​សប្បាយ​ ដើម្បី​​ពួក​គេ​បាន​បន្ថែម​បទ​ពិសោធន៍​​ និង​​ការ​យល់​ដឹង​រឿង​លើ​គ្រែ។ តែ​ពួក​គេ​នឹង​​​មិន​អាច​ទទួល​យក​បាន​ទេ ​បើ​ចៃ​ដន្យ​មាន​ភរិយា​​ប៉ះ​លើ​នារី​ ដែល​​ធ្លាប់​ប្រព្រឹត្ត​ខ្លួន​​ដូចពួក​​គេ​កន្លង​មក​។ ពួកគេ​មាន​អារម្មណ៍​មួយ​ ដែល​ពិបាក​​នឹង​ទទួល​យក​ណាស់​ ដែល​មក​​ត្រូវ​​ចាប់​ដៃ​គ្នា​ឬ​រៀប​អាពាហ៍​ពិពាហ៍​ជាមួយ​មនុស្ស​ស្រី​​ ដែល​​មាន​ប្រវត្តិ​រឿង​រួម​​ភេទ​យ៉ាង​ជោក​ជាំ​ដូច​ពួកគេ។

ទោះ​បី​ជា​រឿង​ព្រហ្មចារីយ៍​​​ ជា​រឿង​ដែល​តែង​​ចោទ​សួរ​គ្នា​ជាញឹក​ញាប់​ តែ​ការ​មាន​សង្សារ​ជា​ក្រមុំ​មិន​បរិសុទ្ធ​ក៏​មិន​មែន​ជា​រឿង​អាក្រក់​អ្វីដែរ។ ការ​ដែល​មនុស្ស​ពេញ​វ័យ ​សម្រេច​ចិត្ត​​មាន​សម្ព័ន្ធ​ខាង​ផ្លូវ​ភេទ​​នៅ​ក្នុង​​សម័យ​នេះ​ ក៏​មិន​បាន​ចាត់​ទុក​ថា​ជា​រឿង​​​អាក្រក់​គួរ​ឲ្យ​​ស្អប់​ខ្ពើម​ ​​ឬ​ទទួល​យក​មិន​បាន​នោះ​ទេ ​តែ​ការ​ពិត ​វា​ជា​ការសម្តែង​ចេញ​នូវ​សេចក្តី​ស្រលាញ់​ម្យ៉ាង​​  នៅ​ក្នុង​ទម្រង់មួយ​​ដែល​មាន​លក្ខណៈ​ធម្មជាតិ​បំផុត។ លោក​អ្នក​ពិត​ជា​មិន​អាច​ដាក់​ទោស​នារី​ ឬ​នរណា​ម្នាក់​​ចំពោះរឿង​​អារម្មណ៍​ផ្លូវ​ភេទ​ដែល​កើត​ឡើង​តាម​ធម្មជាតិ​បាន​​នោះ​ទេ។

តែ​វា​ក៏​ជា​ជំនឿ​​មួយ​ដែល​ពិបាក​នឹង​​ផ្លាស់​ប្តូរ​រឿង ការ​ជឿ​​អំពី​​ក្រមុំ​បរិសុទ្ធ​និង​មិន​បរិសុទ្ធ​ ទោះ​បី​ជា​​បរិសុទ្ធ​ឬ​មិន ​ក៏​សុទ្ធ​តែ​មាន​ចំណុច​ល្អ​និង​​មិន​ល្អ​រៀង​ៗ​ខ្លួន​។ ដូច្នេះ​សាក​​មក​មើល​​អ្វី​ដែល​ជា​ចំណុច​ល្អ​និង​​​មិន​ល្អ​​របស់​នារី​​ទាំង​ពីរ​ប្រភេទ​នេះ?

នារីដែលមានបទពិសោធន៍

          ចំណុចល្អៈ ការ​ដែល​មាន​សង្សារ​ជា​ក្រមុំ​មិន​បរិសុទ្ធ​នោះ​ មិន​ចាំ​បាច់​ឲ្យ​អ្នក​ដើរ​តួ​ជា​ឪ​ព្រះ​​ឬ​​ជា​សុភាព​បុរស​នោះ​ទេ​​ ព្រោះ​នារី​មួយ​ចំនួន​ក៏​ត្រូវ​ការ​រក​បុរស​ មក​បំពេញ​សេចក្តី​ត្រូវ​ការ​របស់​ពួក​នាង​ដែរ​។ បើ​អ្នក​ទាំង​ពីរ​សុទ្ធ​តែ​មាន​បទ​ពិសោធន៍​ខ្ពស់រឿង​ភេទ​សម្ព័ន្ធ​​ នោះ​សេចក្តី​សុខ​រឿង​លើ​គ្រែ​របស់​លោក​អ្នក​​​នឹង​គ្មាន​អ្វី​មក​បរិយាយ​ទៀត​ទេ។

          ចំណុច​​មិនល្អៈ បុរស​ដែល​មាន​បទពិសោធន៍​រឿង​ផ្លូវ​ភេទ​តិច​ជាង​សង្សារ ​ប្រហែល​ជា​ត្រូវ​សតិ​បែក​ហើយ​បើ​សង្សារ​​របស់​ខ្លួន​ជា​ប្រភេទ​មនុស្ស​ដែល​មាន​តម្រេក​ខ្លាំង។ ក្រៅ​ពី​នោះ​គេ​អាច​នឹង​ត្រូវ​​រំខាន​ពី​ជីវិត​​ស្នេហា​នៅ​ក្នុង​អតី​ត​របស់​នាង​ទៀត​ផង។

នារីបរិសុទ្ធ

        ចំណុចល្អៈ បុរស​មួយ​ចំនួន​​មានមោទនភាព​ខ្លាំង​ណាស់ ​ដែល​​​ខ្លួន​ឯង​គឺ​ជា​បុរស​ដំបូង​​របស់​នារី​ជា​ដៃ​គូ។ ពួកគេ​មាន​សេចក្តី​សុខ​ខ្លាំង​ណាស់​​ នៅ​ក្នុង​តម្រា​គ្រូ​និង​សិស្ស​​ដោយ​រំពឹង​ទុក​ថា​នារី​របស់​គេ​នឹង​ត្រូវ​ហ្វឹក​ហាត់​​ឲ្យ​​ចូលចុះ​តាម​សេចក្តី​ត្រូវ​ការ​របស់​ខ្លួន​។ ម្យ៉ាង​ទៀត​ការ​ដែល​បាន​ក្លាយ​ជា​មនុស្ស​ប្រុស​ទី​១​​របស់​មនុស្ស​ស្រី​ ​​ធ្វើ​ឲ្យ​បុរស​កាត់​​បន្ថយ​អារម្មណ៍​តានតឹងឈប់​ខ្វាយ​ខ្វល់​​ ពី​បញ្ហា​ដែល​​ត្រូវ​តែ​ពូកែ​រឿង​លើ​គ្រែ​បាន​ច្រើន​ណាស់​​​​ ព្រោះ​នារី​ដ៏​សែន​ស្អាត​ស្អំ​របស់​​គេ​ ​នឹង​មិន​អាច​យក​រឿង​នេះ​ទៅ​ប្រៀប​​ធៀប​ជាមួយ​នរណា​បាន​ទៀត​។ រយៈ​ពេល​នេះ ​ជា​ពេល​ដែល​វិសេស​វិសាល​បំផុត​នៅ​ក្នុង​ជីវិត​របស់​មនុស្ស​ប្រុស​ហើយ!

          ​ចំណុចមិនល្អៈ បើ​បុរស​មាន​សង្សារ​ជាក្រមុំ​បរិសុទ្ធ​នោះ​ វា​នឹង​ពិបាក​ដែល​នាង​​ព្រម​ព្រៀង​ប្រគល់​ឲ្យ​ដោយ​ងាយ​ៗ​នូវ​អ្វី​ដែល​បុរស​ត្រូវ​ការ ហើយ​ឱកាស​ក្នុង​ការ​បដិសេធ​​ចំពោះ​ការ​មាន​សម្ព័ន្ធ​​​ផ្លូវ​ភេទ​មុន​រៀប​ការ ​នឹង​​មាន​​កម្រិត​កាន់​តែ​ខ្ពស់​ឡើង​ៗ ដែល​អាច​ជា​រយៈ​ពេលមួយ​​ដែល​​បុរស​​ត្រូវ​អត់​ធន់​ស៊ូ​ទ្រាំ​នឹង​ចំណង់​ផ្លូវ​ភេទ​របស់​ខ្លួន​យ៉ាង​ក្រហល់​ក្រហាយ​​បំផុត។ ម្យ៉ាង​ទៀត​ដោ​យ​សារ​​អ្នក​ជា​បុរស​ទី​១​របស់​នាង​ ដូច្នេះ​ឱកាស​ដែល​​នាង​មិន​ចេះ​រឿង​លើ​គ្រែ​ក៏​មាន​ច្រើន ព្រោះ​នាង​មិនធ្លាប់​មាន​បទ​ពិសោធន៍​​ និង​ត្រូវ​​បំភ្លេច​ចោល​ឲ្យ​ហើយ​ទៅ​ រឿង​ស្រណុក​ស្រួល​លើ​គ្រែ​ទាំង​ឡាយ ព្រោះ​វា​នឹង​ពិបាក​ដែល​បង្គាប់​ឲ្យ​​​ក្រមុំ​ជើង​ថ្មី​ម្នាក់​ធ្វើ​អូរ៉ាល់​ស៊ិច​(Oral Sex)ឲ្យ​អ្នក។ រឿង​មួយ​ទៀត​បើ​អ្នក​បាន​ជួប​ក្រមុំ​បរិសុទ្ធ​តាម​ត្រូវ​ការ​ហើយ អ្នក​នឹង​ត្រូវ​អង្គុយ​ខ្វាយ​ខ្វល់​ជានិច្ច​ថា តើ​ពេល​ណា​នាង​នឹងបែក​ចិត្ត​​ឈប់​​សេព​គប់​នឹង​អ្នក?

គិតឲ្យគ្រប់ជ្រុងជ្រោយ

  • ­  កុំ​ឲ្យ​រឿង​នៅ​ក្នុង​អតីតកាល​​មាន​ផល​ប៉ះ​ពាល់​ដល់​ការ​សម្រេច​ចិត្ត​។
  • កុំ​ឲ្យ​បទ​ពិសោធន៍​នៅ​ក្នុង​អតីតកាល ​​ក្លាយ​ជា​អង្គ​ប្រកបសំខាន់ ​​ក្នុង​ការ​សម្រេច​ចិត្ត​រឿង​អនាគត​​គូ​ស្រករ​​របស់​លោក​អ្នក។
  • កុំ​ប្រញាប់​វិនិច្ឆ័យ​នា​រី​ភេទ​​លើ​ភាព​បរិសុទ្ធ​ ឬ​មិន​បរិសុទ្ធ​ ដោយ​មិន​បាន​មើល​ឲ្យ​ជ្រៅ។
  • កុំ​ធ្វើ​ខ្លួន​ថា​មាន​សិទ្ធិ​រវីរវល់​នឹង​រឿង​អតីតកាល​របស់​នាង៕

Read Full Post »

ការ​ជួយ​ខ្លួន​ឯង ដែល​ភាសា​បច្ចេក​ទេស​ហៅ​ថា​ ម៉ាស្ទ័រ​បេស្ហឹន​(Masturbation) គឺ​ជា​វិធី​ធម្មជាតិ​និង​គ្មាន​ផល​​អាក្រក់​ប៉ះ​ពាល់​ដល់​សុខ​ភាព​ឡើយ​។ កុំ​យល់​ច្រឡំ​ខុស​ថា​ ​អ្នក​ដែល​​​ចូល​ចិត្ត​សម្រេច​​បំណង​​តណ្ហា​​​​​​ឲ្យ​​​ខ្លួន​ឯង​​ ជា​មនុស្ស​ដែល​​មាន​សេចក្តី​ត្រូវ​ការខាង​​ផ្លូវ​ភេទ​ខ្ពស់​​ឲ្យ​សោះ​​។ ​តែ​វា​ជា​សេចក្តី​ត្រូវ​ការ​របស់​បុគ្គល​ម្នាក់ៗ​ដែល​​មាន​ពី​ធម្មជាតិ​​ ​និង​ថែម​ទាំង​ជា​ការ​បន្ធូរ​​អារម្មណ៍​​ផ្លូវ​ភេទ​​ដែល​សម​ស្រប​បំផុត ចៀស​​វាង​​ពី​ការ​​​ប្រព្រឹត្ត​អំពើ​អនាចារ​និង​ការ​​ឆ្លង​ជំងឺ​ផ្សេងៗ។

          បញ្ជាក់​ហើយ​បញ្ជាក់​ទៀត​ថា ការ​ជួយ​ខ្លួន​ឯង​របស់​បុរសនោះ​​ កើត​​ឡើង​​ដោយ​ឯក​​ឯង​តាម​ធម្មជាតិ តាម​ការ​ទាម​ទារ​នៃ​​​សេច​ក្តី​ត្រូវ​ការ​ខាង​ផ្លូវ​ភេទ ​ដែល​មាន​ច្រើន​ជាង​​​មនុស្ស​ស្រី​ និង​អាច​ធ្វើ​បាន​ញឹក​ញាប់​​រួម​ទាំង​ចាត់​ទុក​ថា​ ជា​រឿង​ធម្ម​តា​​ទោះ​បី​ជា​ត្រូវ​​ការ​ជួយ​ខ្លួន​ឯង​ ក្រោយ​ពេល​រៀប​​អាពាហ៍​ពិពាហ៍​ហើយ​ក៏​ដោយ។

បុរស​(ខ្មែរ​)​ភាគ​ច្រើន ​តែង​តែ​មាន​អារម្មណ៍​ខ្មាស​អៀន​ និង ​មិន​សូវ​ចូលចិត្ត​និយាយ​​ប្រាប់​នរណា​អំពី​រឿង​នេះ ហើយ​អ្នក​ខ្លះ​នៅ​មាន​ការ​ភ័យ​ខ្លាច​ ប្រសិន​បើ​មិត្ត​ភក្តិ​របស់​ខ្លួន​ដឹង​ថា ​ខ្លួន​ឯង​​​​នៅ​​ប្រព្រឹត្ត​​ការ​ជួយ​សម្រេច​បំណង​ឲ្យ​​ខ្លួន​ឯង​បែប​នេះ រួម​ទាំង​ខ្លាច​អាណា​ព្យាបាល​ដឹង​ឮ​ រឿង​កេរ្តិ៍​ខ្មាស​​ផ្ទាល់​ខ្លួន​​​របស់​ខ្លួន​ទៀត​ផង។

ហេតុ​ដូច្នេះ​ទើប​បុរស​ជា​ច្រើន​ តែង​​ស្វែង​យល់​ពី​វិធី​​​សម្រេច​បំណង​ដោយ​ខ្លួន​ឯង​​​ ដែលប្រើ​​​រយៈ​ពេល​ខ្លីៗ​ឆាប់​រហ័ស​ ហើយ​​ប្រើ​ពេល​តិច​តួច​​​បំផុត ​ដើម្បី​ការពារ​កុំ​ឲ្យ​អ្នក​ដទៃចូល​​​​មក​ឃើញ​។​ តែ​នៅ​ពេល​ពួក​គេ​មាន​អាយុ​កាន់​តែ​​ច្រើន​ឡើង ​ពួក​គេ​ក៏​ចាប់​ផ្តើម​​​ស្វែង​យល់​ពី​វិធី​ទប់​ស្កាត់កុំ​ឲ្យ​ចេញ​ទឹក​កាម​ឆាប់​រហ័ស​ពេក​ ​ដែល​សំខាន់​ជាង​ការ​ឈាន​ដល់​ចំណុច​កំពូល​ទៅ​​ទៀត​ និង​មិន​សូវ​ចាប់​អារម្មណ៍​រឿង​​ល្បឿន​ត​ទៅទៀត​ទេ។

          ***តិចនិចនៃការជួយខ្លួនឯង

          មនុស្ស​ប្រុស​មាន​វិធី​ច្រើន​យ៉ាង​​សម្រាប់​ការ​ជួយ​សម្រេច​បំណង​ស្នេហា​ដោយ​ខ្លួន​ឯង។ វិធី​ដែល​ងាយ ​​និង ​ផ្តល់​ភាព​សុខ​ស្រួល​បំផុត​សម្រាប់​ពួកគេ ​គឺ​ការ​​ចាប់​លុញ​​ប្រឆឹក​​​អង្គ​ជាតិ​​។ នៅ​ពេល​​វា​ចាប់​   ផ្តើ​​ម​​​​​រឹង​​ក៏​អាច​បន្ត​ដោយ​ចាប់​រូត​ចុះរូត​​ឡើង​​ ត្រង់​អវយវៈ​ភេទ​តាំង​ពី​ចុង​រហូត​មក​ដល់​គល់។ បើ​​ប្រើ​​តែ​​​ដៃ​ចាប់​​ច្របាច់​ត្រង់​បរិវេណ​តួ​អង្គ​ជាតិ ​ដោយ​ជៀស​វាង​​ប៉ះ​ពាល់​ត្រង់​ផ្នែក​​ខាង​ចុង​ នឹង​ជួយ​​កាត់​បន្ថយ​ការ​ឆាប់​ចេញ​ទឹក​កាម​​បាន​ផង​ដែរ។

          ជា​ធម្មតា​ ខណៈ​ដែល​​​​កំពុង​ធ្វើ​ការ​សម្រេច​បំណង​តណ្ហា​ឲ្យ​ខ្លួន​ឯង អវយវៈ​ផ្នែក​ផ្សេង​ៗ​ទៀត​ដូច​ជា​បរិវេណ​​ក្រលៀន ភ្លៅ អង្គ​ជាតិ​ និង​ពង​ស្វាស នឹង​​កើត​មាន​​ភាព​​រំញោច​​​​ដែល​ជួយ​ដាស់​អារម្មណ៍​ឲ្យ​​កម្រើក​ភាព​ស្រើប​ស្រាល​កាន់​តែ​​​​ខ្លាំង​ឡើងៗ​។ នៅ​ពេល​​អវយវៈ​​ភេទ​រឹង​​ពេញ​ទី​ហើយ បុរស​​ភាគ​ច្រើន​​ចូលចិត្ត​​ច្របាច់​អង្អែល​​​ស្រាល​ៗ​ត្រង់​​ថង់​ពង​ស្វាស​ទាំង​ពីរ។ ការ​ប៉ះ​ពាល់​ត្រង់​ផ្នែក​ណា​មួយ​នៃ​បរិវេណ​​អវយវៈ​ភេទ​​ ក៏​​សុទ្ធ​តែ​ជា​ការ​បន្ថែម​ភាព​ត្រេក​ត្រអាល​ ​​ដល់​អារម្មណ៍​ផ្លូវ​ភេទ​ទាំង​អស់ រួម​ទាំង​ផ្នែក​ផ្សេង​ៗ​​ក្រៅ​ពី​បរិវេណ​នោះ​ផង ​ដូច​ជា​ត្រង់​​​ដើម​ទ្រូង​ឬ​ក្បាល​ដោះ​របស់​​បុរស​ខ្លួន​​ឯង​ជា​ដើម​។

          បុរស​​មួយ​ចំនួន​ចូលចិត្ត​សម្រេច​បំណង​ដោយ​ខ្លួន​​ឯង​ ដោយ​ការ​​ដេក​ផ្កាប់​មុខ​នៅ​លើ​គ្រែ​ដើម្បី​ឲ្យ​ផ្នែក​ខ្លះ​នៃ​អវយវៈ​ភេទ​​ឬ​​តួ​អង្គ​ជាតិ​​ត្រដុស​កកិត​គ្នា​ជាមួយ​នឹង​​កន្លែង​ដេក។ អ្នក​ខ្លះ​ចូលចិត្ត​ធ្វើ​ម៉ាស្ទ័រ​បេត(Masturbate)​​ដោយ​ប្រើ​សារធាតុ​​រំអិល​​ជាជាង​ការ​ធ្វើ​នៅ​កន្លែង​ស្ងួតៗ ឯ​ការ​ឆាប់ចេញ​ទឹក​កាម​​​ក៏​អាច​ជួយ​​ជា​សារធាតុ​​រំអិល​ដោយ​ខ្លួន​ឯង​បាន​ដែរ​ ប៉ុន្តែ​អាច​ធ្វើ​ឲ្យ​ចំនួន​ទឹក​អសុចិ​មាន​ចំនួន​​កំណត់​​​ក្នុង​មួយ​លើកៗ​ ដូច្នេះ​ត្រូវ​រង់​ចាំ​រយៈ​ពេល​យូរ​បន្តិច ​ដើម្បី​​ឲ្យ​ក្រពេញ​ផលិត​ទឹក​កាម​​​​​បាន​បរិបូរ​។

          ការ​ប្រើ​ឡេ​ឬ​ឡូស្ហឹន(Lotion)លាប​នៅ​លើ​បាត​ដៃ ​​ក៏​អាច​ជួយ​ឲ្យ​មាន​ភាព​រំអិល​បាន​ដូច​គ្នា តែ​អាច​ផ្តល់​គ្រោះ​ថ្នាក់​ដល់​អ្នក​ដែល​​​មិន​ប្រើ​ស្រោម​អនាម័យ ​ព្រោះ​ប្រេង​រំអិល​ខ្លះ​មាន​សារធាតុ​ផ្សំ​ដែល​​​​អាច​បង្ក​​ឲ្យ​មាន​ប្រតិកម្ម​​ដល់​អវយវៈ​ភេទ​បាន​​​។ ការ​ប្រើ​ចាហួយ​ទឹក​(Gel)​ប្រភេទ​KY ​​ដែល​ជា​ចាហួយ​​ប្រើ​សម្រាប់​​ការ​​សេព​កាម​ដោយ​ដៃ ​នឹង​ជួយ​​ដោះ​ស្រាយ​បញ្ហា​នេះ​បាន។ បុរស​មួយ​ចំនួន​​ប្រើ​ឧបករណ៍​​ជំនួយ​នៅ​ក្នុងការ​សម្រេច​​បំណង​តណ្ហា​ឲ្យ​​ខ្លួន​​ឯង​ដូច​ជា វ៉ាយប្រេតទ័រVibrator(លិង្គ​សិប្បនិម្មិត) ​ប្រើ​​ពពុះ​ទឹក​ចេញ​​ពី​ទឹក​ផ្កា​ឈូក​ និង​​ផ្សេងៗ​ជា​ច្រើន​ទៀត ហើយ​ភាគ​ច្រើន​​​ឧបករណ៍​ទាំង​នេះ​ជួយ​ផ្តល់​ភាព​ស្រៀវ​ស្រើប​​ខ្លាំង​ណាស់​ ទោះ​បី​​បាន​តែ​ក្នុង​​រយៈ​​ពេល​ខ្លី​ក៏​ដោយ៕​

Read Full Post »

ថ្ងៃ​នេះ​​យើង​មាន​សិល្ប៍​វិធី៦​យ៉ាង​ ដើម្បី​​ចែចង់​មនុស្ស​ស្រី​ មក​ផ្ញើ​បុរសៗ​​ដែល​កំពុង​កណ្តោច​កណ្តែង ហើយ​​ត្រូវ​ការ​អ្នក​យល់​ចិត្ត​មក​នែបនិត្យ​ក្បែរ​កាយ។ នាំ​គ្នា​មក​មើល​មើល៍​ថា តើ​មាន​វិធី​ណា​ខ្លះ​​ដែល​ធ្វើ​ឲ្យ​ក្រមុំ​ៗ​ដែល​​អ្នក​គួច​ចិត្ត​ប៉ង​ប្រាថ្នា បែរ​ភក្ត្រា​មក​មើល​អ្នក​ខ្លះ? ^^

  1. កុំរាប់អាននាងដូចមិត្តភក្តិ៖ នាង​អាច​នឹង​យល់​ច្រឡំ​គិត​ថា​លោក​​​ត្រឹម​ជា​មិត្ត ឬ​បើ​មិន​ដូច្នោះ​ក៏​គ្រាន់​តែ​ជាសៅ​គ្រី​របស់​នាង​ប៉ុណ្ណោះ​។ បើ​លោក​ត្រៀម​ខ្លួន​គ្រប់​គ្រាន់​សម្រាប់​​ធ្វើ​អ្វីៗគ្រប់​យ៉ាង​​ដើម្បី​នាង​មុន​នឹងសេចក្តី​ស្នេហា​​កកើត​ឡើង នាង​អាច​នឹងគិត​ថា​លោក​ប្រៀប​ដូច​ជា​មិត្តល្អ​​​ម្នាក់​ប៉ុណ្ណោះ កាន់​តែ​យូរ​ថ្ងៃ​ទៅ​ទំនាក់​ទំនង​នឹង​កាន់​តែ​រីក​ដុះ​ដាល ​តែ​ក៏​ដុះ​ដាល​តែ​ក្នុង​ន័យ​មិត្តភាព មិនឃើញ​​ប្រែ​ក្លាយ​ជា​សេចក្តី​ស្នេហា​ម្តង​ណា​​សោះ គ្រោះ​ជា​ល្អ​មិន​ល្អ​ក៏​ត្រូវ​អ្នក​ដទៃ​ឆក់​យក​ទៅ​បាត់​ទៀត។ ដូច្នេះ​បើ​គិត​ចង់​ទាក់​ទង​​​នាង​ជា​សង្សារ ក៏​ត្រូវ​តែ​សេព​គប់​នាង​ ជារបៀប​សង្សារ​តាំង​ពី​ចាប់​ផ្តើម​ដំបូង​តែ​ម្តង​ទៅ។
  2. បង្កើតភាពភ្ញាក់ផ្អើលដល់​​នាងខ្លះ​​​៖ នារី​ភេទ​ចូល​ចិត្ត​រឿង​​ភ្ញាក់​ផ្អើល​ខ្លាំង​ណាស់ បើ​ទោះ​ជា​នាង​មាត់​រឹង​យ៉ាងណា​ក៏​ដោយ​ ជឿ​ចុះ​ថា​នាង​ចូលចិត្តការ​​ពញ្ញាក់​អារម្មណ៍​និងភាព​​​អាថ៌​កំបាំង​ ច្រើន​ជាង​ការ​ស្គាល់​លោក​​​អស់​ពី​ពោះ​ពី​ពុង ព្រោះ​បើ​នាង​បាន​ស្គាល់​លោក​ច្បាស់​ហើយ​ វា​ក៏​ប្រៀប​ដូច​ជា​គ្មាន​អ្វី​ដែល​គួរ​​ចាប់​អារម្មណ៍​​​និង​ចង់​ដឹង​ទៀតទេ។ ចូរ​ប្រាប់​ព័ត៌មាន​អំពី​ខ្លួន​អ្នក​​ដល់​នាង​បន្តិចម្តង​ៗ ដើម្បី​ដាស់​​អារម្មណ៍​​នាងឲ្យ​​តាម​ដាន​ចង់​ដឹង​ចង់​ឃើញ​បន្ត​ទៀត កុំ​ឲ្យ​នាង​ដឹង​ភ្លាម​ៗ​​ថាលោក​​មាន​គោល​ដៅ​យ៉ាង​ណា តែ​ត្រូវ​សាង​ភាព​ទាក់​ទាញ​ចិត្ត​​និង​ចង​ចិត្ត​នាង​ទុក នោះ​នាង​នឹង​ដើរ​មក​រក​លោក​ដោយ​ខ្លួន​ឯង។
  3. ជាភាគីដែលនៅស្ងៀមៗ៖ មិន​មែន​ជា​ភាគី​ដែល​ដេញ​តាម​ប្រមាញ់​រហូត​នោះ​ទេ​ សូម​កុំ​ប្រញាប់​កម្រើក​មុន​ឲ្យ​សោះ ព្រោះ​កង់​ប្រវត្តិសាស្ត្រ​​បាន​ផ្លាស់​ប្តូរ​ទៅ​ហើយ។ ការ​ដែល​លោក​តាមចែ​ចង់​នារី​ម្នាក់​​ប្រកិត​ៗ​ពេក​ អាច​បង្ក​សេចក្តី​រំខាន ​ដល់​នាង​បាន​យ៉ាង​ងាយ។ ដូច្នេះ​ចូរ​នៅ​ស្ងៀម​ៗ​ ហើយ​ព្យាយាម​សង្កេត​ថា នាង​ចាប់​អារម្មណ៍​នឹង​លោក​ឬ​ទេ​? ឬ​ក៏​លោក​ចាប់​អារម្មណ៍​នឹង​នាង​ពិត​ប្រាកដ​ឬ​នៅ? បើ​ពិត​មែន​ក៏​ចាប់​ផ្តើម​​បើក​ចំហ​ឲ្យ​នាង​ដឹងបន្តិច​ម្តង​ៗ តែ​កុំ​យឺត​យូរ​ពេក​​ប្រយ័ត្ន​នាង​ឃ្លាត​ឆ្ងាយ​​ពី​គន្លង​គោចររបស់​អ្នក​​​មុន​បាត់​ទៅ។
  4. ងាមកចាប់អារម្មណ៍នឹងខ្លួនឯងខ្លះ៖ បន្ថែម​មន្ត​ស្នេហ៍​ឲ្យ​ខ្លួន​ឯង​ ដោយ​ក្លិន​ខ្លួន​ក្រអូប​ប្រហើរ​ សម្បុរ​ស្បែក​ស្រស់​ថ្លា​គួរ​គយ​គន់ កុំ​ឲ្យ​ខ្លួន​ប្រាណ​អាប់​អួរ​ឲ្យ​សោះ ព្រោះ​នារី​សម័យ​នេះ​ក៏​ត្រូវ​ការ​បុរស​ដែល​មាន​ស្បែក​កាយ​ស្អាត​ដូច​គ្នា។ សម្រាប់​ស្បែក​គគ្រាត​គគ្រើម​ ទទួល​ស្គាល់​ថា​ក៏​​មាន​នារី​មួយ​ចំនួន​ចូល​ចិត្ត​ដែរ​ តែ​ភាគ​ច្រើន​​បើ​ជា​​បុរស​ដែល​មាន​​ស្បែក​ស្អាត នឹង​មាន​ភាព​ងាយ​​ស្រួល​ក្នុង​​ការ​ទាក់​​ភ្នែកត្រូវ​ចិត្ត​​គណៈ​កម្មការ​​នារី​ច្រើន​ជាង។ រឿង​សំខាន់​មួយ​ទៀត​នោះ​គឺ​ខ្យល់​ដង្ហើម​​និង​​ក្លិន​មាត់​​ត្រូវ​តែ​ស្រស់​ថ្លា តែ​ង​ខ្លួន​ឲ្យ​បាន​ស្អាត​បាត​គួរ​គយ​គន់ ឯការ​តែង​ខ្លួ​ន​បែប​ហ៊ីពី​នោះ​គួរ​​តែ​ហួស​សម័យ​​ហើយ គួរ​តែ​ផ្លាស់​មក​តែង​ខ្លួន​បែប​សុភាព​រាប​សា ​គួរ​ឲ្យ​ចង់​ទាក់​​ទងរាប់​អាន នោះ​ពិន្ទុ​អាច​នឹង​ត្រូវ​ធ្លាក់​មក​លើ​អ្នក​​បាន​យ៉ាង​ងាយ។
  5. មានអារម្មណ៍កំប្លែង៖ នារី​ភាគ​តិច​ណាស់​ដែល​ចូលចិត្ត​បុរស​ដែល​មានអារម្មណ៍​តាន​តឹង​​តប់​ប្រមល់​គ្រប់​ពេលវេលា កាន់​តែ​តាន​តឹ​ង​កាន់​តែ​ធ្វើ​ឲ្យ​នាង​ធុញ​ទ្រាន់។ នារី​​ចូល​ចិត្ត​បុរស​ដែល​មាន​អារម្មណ៍​​​កំប្លែង ព្រោះ​នឹង​ធ្វើ​ឲ្យ​​ជីវិត​នាង​​រីក​រាយ​ គ្មាន​ទុក្ខ​កង្វល់។ ចូរ​ញញឹម​ដាក់​នាង​បើ​លោក​ជា​មនុស្ស​ដែល​ពូកែ​ញញឹម ឫក​ពា​សុភាព​ ស្គាល់​កាលៈទេសៈ មិន​ថា​តែ​យក​ឈ្នះ​ចិត្ត​នាង​បាន​នោះ​ទេ ​តែ​ឈ្នះ​ទាំង​​មនុស្ស​ក្នុង​គ្រួសារ​នាង​បាន​យ៉ាង​ងាយ​ទៀត​​ផង។ រឿង​នេះ​គេ​បាន​ធ្វើ​ការ​ស្ទាប​ស្ទង់​យ៉ាង​ប្រាកដ​ប្រជារួច​មក​ហើយ​​ថា មាន៩នាក់​ក្នុង​ចំណោម​នារី​១០នាក់​ គិត​ដល់​​ភាព​សំខាន់​របស់​អារម្មណ៍​កំប្លែង​របស់​បុរស​ជា​រឿង​ដំបូង​។ ដូច្នោះ​សូម​ទុក​ភាព​ស្រស់​សង្ហា​មួយ​ឡែក​សិន​​ ហើយ​យក​ភាព​កំប្លុក​កំប្លែង​មក​​បន្ថែម​បរិយាកាស​ល្អៗ ដល់​មនុស្ស​ដែល​លោក​​គិត​ថា​ចង់​បាន​ជាសង្សារ។
  6. គិត​​ឲ្យបានច្បាស់និងពិចារណាឲ្យបានល្អិតល្អន់ជាមុនសិន៖ កុំ​ប្រញាប់​គិត​ថា​នាង​​​គឺ​ជា​​​នារី​ដែល​​លោក​ត្រូវ​ជ្រើស​រើស​យក​មក​​ធ្វើ​ជា​សង្សារ​ឲ្យ​សោះ បើ​​គ្រាន់​តែ​បាន​ចេញ​ដើរ​ទៅ​ដើរ​លេង​ខាង​ក្រៅ​ជាមួយ​គ្នា​​មិន​បាន​ប៉ុន្មាន​លើក​ផងនោះ​ ព្រោះ​វា​​អាច​ជា​ការ​រវើរវាយ​របស់​លោក​ទៅ​មួយ​គ្រា​ប៉ុណ្ណោះ។ ពេល​កំពុង​រវើ​រវាយ​នេះ​ហើយ​ ដែល​ធ្វើ​ឲ្យ​ភ្នែក​លោក​ស្រវាំង​មើល​អ្វី​ក៏​ឃើញ​ល្អ​ទាំង​អស់​ ហើយ​គិត​ថា​នាង​ពិត​ជា​មនុស្ស​​ក្នុង​ដួង​ចិត្ត​លោក​ប្រាកដណាស់។ សុំ​បញ្ជាក់​ម្តង​ទៀត​ថា ត្រូវ​ប្រើ​ពេល​វេលា​បន្តិច ​ដើម្បី​ឆ្លើយ​តប​នឹង​សំណួរ​ខ្លួន​ឯង​ឲ្យ​ច្បាស់​ក្នុង​ចិត្ត​សិន​ថា នារី​ម្នាក់​នេះ… ជា​នារី​ដែល​លោក​ស្រលាញ់​បំផុត​ហើយ​ឬ? នារី​ម្នាក់​នេះ… ជា​​អ្នក​​​ដែល​នឹង​ក្លាយ​ជាគូ​ជីវិត​របស់​លោក​មែន​ឬទេ? ហើយ​នារី​ម្នាក់​នេះ… ពិត​ជា​អ្នក​ដែល​នឹង​ត្រូវ​មក​ក្លាយ​ជាម្តាយ​របស់​កូន​លោក​មែន​ឬទេ?​ ប្រើ​ពេល​វេលា​ក្នុង​ការ​សម្រេចចិត្ត​ឲ្យ​បាន​យូរ​បន្តិច​​ មិន​ត្រូវ​​ចិត្ត​ក្តៅ​ប្រញាប់​ប្រញាល់​ជ្រុល​ពេក​នោះ​ទេ៕

Read Full Post »

សម័យ​មុន​មនុស្ស​ប្រុស​ជា​ភាគី ដែល​​ចាប់​ផ្តើម​ចែចង់​មនុស្ស​ស្រីមុន​​ តែ​យុគ​សម័យ​ថ្មី​នេះ​បាន​ផ្លាស់​​ប្តូរ​ទៅ​ហើយ​ បើ​មនុស្ស​ស្រី​ចាប់​ផ្តើម​​ចែ​ចង់​មនុស្ស​ប្រុស​មុន​ ក៏​គ្មាន​អ្វី​គួរ​ឲ្យ​ខាត​បង់​ដែរ​​ ហើយ​​ភាគ​ច្រើន​មាន​តែ​​ធ្វើ​ឲ្យ​មនុស្សប្រុស​​ត្រេក​អរ​ទៅ​វិញ​ទេ​ ដែល​ឃើញ​មនុស្ស​​ស្រី​ជា​អ្នក​ចាប់​ផ្តើម​ចែ​ចង់​គេ​​មុន​។ ដូច្នេះ​បើ​នរណា​ចង់​សាក​ល្បងចូល​ចែ​ចង់​មនុស្ស​ប្រុស​​ ក៏​សូម​អនុវត្ត​តាម​វិធី​ខាង​ក្រោម​នេះ​បាទ!^Q^

          . ​​ភាពស្រស់ស្អាត

          វិធី​ចែ​ចង់​​មនុស្ស​ប្រុស​​ យើង​ត្រូវ​មើល​ឃើញ​ស្អាត​ តែ​ក៏​មិន​ត្រូវ​តែ​ង​ខ្លួន​​ឲ្យ​ស៊ិច​ស៊ី​លេច​លើ​លេច​ក្រោម​ពេក​ដែរ​ គឺ​តែង​ឲ្យ​ឃើញ​​លក្ខណៈ​​ខ្លួនជា​របស់​ខ្លួន​ឯង រើស​សំពត់​អាវ​ណា​​ដែល​ស្លៀក​ពាក់​ស្រួល​​ មើល​​ទៅ​ឃើញ​ស្រស់​តាម​ធម្មជាតិ និង​ធ្វើ​ឲ្យ​ខ្លួន​ឯង​ជឿ​ទុក​ចិត្ត​។​

          . ផ្តើមសម្តែងកាយវិការចាប់អារម្មណ៍បែបមនុស្សស្រី

ពេល​ចែចង់​មនុស្ស​ប្រុស​ មិន​ត្រូវ​តក់​ក្រហល់ ​ឬ​សម្តែង​កាយ​វិការ​អ្វី ​ឲ្យ​ជ្រុល​ហួស​ហេតុ​ពេក​ទេ គឺ​ត្រូវ​ប្រើ​វិធី​បែបមនុស្ស​ស្រីៗ​ ដូច​ជា​​លួច​ចោល​កន្ទុយ​ភ្នែកសម្លឹង​ទៅ​គេ ​យ៉ាង​​ស្រទន់​​ឲ្យ​គេសង្កេត​​ដឹង​ខ្លួន​​ តែ​ក៏​មិន​គួរ​សម្លឹង​យូរ​ពេក​ដែរ ដើម្បី​ពញ្ញាក់​អារម្មណ៍​របស់​គេ​ឲ្យ​សង្ស័យ​​ថា យើង​​ចាប់​អារម្មណ៍​គេ​ឬ​មួយ​ក៏​អត់?

. ​រកចន្លោះពេល​​នៅម្នាក់ឯងដើម្បីបើកឱកាស

មនុស្ស​ប្រុស​​មិន​សូវ​ស្រួល​ចិត្ត​ប៉ុន្មាន​ទេ​ នៅ​ពេល​និយាយ​ជាមួយ​មនុស្ស​ស្រី​​ ដែល​នៅ​កណ្តាល​​ចំណោម​មិត្ត​ភក្តិ​ច្រើន​នាក់ ដូច្នោះ​យើង​ត្រូវ​រក​ឱកាស​​នៅ​ម្នាក់​ឯង​ខ្លះ ដើម្បី​បើក​ឱកាស​ឲ្យ​មនុស្ស​ប្រុស​ចូល​មក​ជជែក​ជាមួយ ហើយ​ពេល​ដែល​កំពុង​ជជែក​គ្នា​នោះ គួរ​តែ​នៅ​ឲ្យ​បាន​កៀក​គ្នា​បន្តិចដូ​ច​ជា អង្គុយ​កៅអី​ជាប់​គ្នា ដើម្បី​សាង​ភាព​ស្និទ្ធ​ស្នាល​និង​ភាព​ជា​គ្នា​ឯង​​ឲ្យ​បាន​ច្រើន។

​​.​ ឲ្យបុរសជាភាគីចែចង់យើងខ្លះ

នៅ​ពេល​អ្នក​ចាប់​ផ្តើម​សម្តែង​ឫកពា​ចាប់​អារម្មណ៍​ រួម​ទាំង​រក​ឱកាស​នៅ​ម្នាក់​ឯង​ដើម្បី​បើក​ឱកាស​​ឲ្យ​មនុស្ស​ប្រុស​ចូល​មក​ជជែក​ជាមួយហើយ​ អ្នក​គួរ​តែ​ទុក​ឲ្យ​គេ​ជាភាគី​ចែ​ចង់​យើង​ខ្លះ កុំ​ចែចង់​គេ​ឲ្យ​ម្ខាង​ឲ្យ​សោះ។

​. សិក្សាស្វែងយល់ចិត្តគ្នា

ក្រោយ​ពី​បាន​ជជែក​គ្នា​ហើយ ត្រូវ​​ប្រមើល​មើលថា​គេ​អាច​ចូលចុះ​នឹងអ្នក​ឬទេ? គេ​ជាមនុស្ស​ផ្តាច់​ការ​ ឬ​មាន​សេចក្តី​ប្រោសសន្តោស​ សុភាព​ ឲ្យ​កិត្តិយស​យើង បើ​ទទួល​បានអារម្មណ៍​​រីករាយ​​ក៏​ជជែក​ត​ទៅទៀត តែ​បើ​ចាប់​ផ្តើម​តាន​តឹង​ក្នុង​ចិត្ត​ គិត​ថា​គេ​មិន​មែន​ជា​លក្ខណៈ​របស់​មនុស្ស​ប្រុស​ដែល​អ្នក​ចូលចិត្ត អ្នក​ត្រូវ​សុំ​ខ្លួន​ដើរ​ចេញ​យ៉ាង​សុភាពៗ។

. វិធីសាស្ត្រផ្សេងទៀតសម្រាប់ចែចង់មនុស្សប្រុស

  • និយាយ​បែបសប្បាយៗ សុភាព​រម្យទម និង​ឈ្លាស​វៃ​ មិន​ត្រូវ​រញីរញ័រ និយាយ​តតាក់​តតុប។
  • សម្លឹង​ចំណុច​ល្អ​របស់​គេ ហើយ​និយាយសរសើរ​​ចំណុច​ល្អ​នោះ ដោយ​ភាព​ស្មោះ​ត្រង់។

***យ៉ាង​ម៉េច​ហើយ?… បើ​រក​សង្សារ​បា​ន​ដោយ​វិធី​ទាំង​នេះ កុំ​ភ្លេច​អញ្ជើញ​ខ្ញុំ​ញ៉ាំ​ការ​ផង​ណ៎ា!^^​

Read Full Post »

១​មនុស្ស​ប្រុស​ប្រៀប​ដូច​ការ​ឃោសនា… សម្តី​នោះ ជឿ​មិន​បាន​ទេ!      

២​​មនុស្ស​ប្រុស​ប្រៀប​ដូច​កាហ្វេ… ​ដែល​​ល្អ​បំផុត​​ហើយ​​ថ្លៃ មានរស​ជាតិ​ស្រាល​ស្រទន់​ ជក់​    អណ្តាត​​ជាប់​មាត់​ កក់​ក្តៅ​ គ្រាប់​ស្អាតរឹង​មាំ​ និង​ធ្វើ​ឲ្យ​អ្នក​បញ្ឈរ​​ភ្នែក​​ពេញ​មួយ​យប់។

៣​​មនុស្ស​ប្រុស​ប្រៀប​ដូច​កុំ​ព្យូ​ទ័រ… ពិបាក​យល់ហើយ​ ​ នៅ​គ្មាន​មេម៉ូរី(memory)​​សម្រាប់​ផ្ទុក​​ការ​ចង​ចាំ​បាន​គ្រប់​គ្រាន់ទៀត​។

៤​​មនុស្ស​ប្រុស​ប្រៀប​ដូច​ទូ​ទឹក​កក​… ទូ​ទឹក​កក​ដែល​ពោរ​ពេញ​ទៅ​ដោយ​ស្រា​បៀរ​ ហើយ​អ្នក​ក៏​អាច​ផឹក​វា​បានគ្រប់​ពេល​។

៥​មនុស្ស​ប្រុស​ប្រៀប​ដូច​​ម៉ាស៊ីន​ថត​ចម្លង… អ្នក​ត្រូវ​ការ​ឲ្យ​វា​ថត​ចម្លង​ឯក​សារ​ បង្កើត​​កូន​ឯកសារ​​រាប់​រយ​ទៀត វា​ក៏​ធ្វើ​បាន​តែ​ប៉ុណ្ណេះ​ឯង។

៦​​មនុស្ស​ប្រុស​ប្រៀប​ដូច​ផ្លែ​ចេក​… កាន់​តែ​ចាស់​ប៉ុណ្ណា ​កាន់​តែ​ទន់​ភ្លន់​ផ្អែម​ល្ហែម​ប៉ុណ្ណោះ​​។

៧​មនុស្ស​ប្រុស​ប្រៀប​ដូច​​គណនេយ្យ​ធនាគារ​… បើ​គ្មាន​លុយ​ច្រើន​គ្រប់​គ្រាន់ ​វា​ក៏​មិន​ឲ្យ​ការ​ប្រាក់​​ ​និង​ ចំណាប់​អារម្មណ៍ពី​នរណា​ឡើយ​។

៨​​មនុស្ស​ប្រុស​ប្រៀប​ដូច​មួកកង់​ប្រណាំង​… មាន​ប្រយោជន៍តែ​ក្នុង​​​ពេលតាន​​​តឹង​​ ឬ​​មិន​អ៊ីចឹង​ក៏​មើល​ទៅដូច​ជា​ល្ងីល្ងើ​ពេក​ហើយ។

៩​​មនុស្ស​ប្រុស​ប្រៀប​ដូច​ព្យុះ​ទឹក​កក​… ​អ្នក​នឹង​គ្មាន​ពេល​ដឹង​ឡើយ​ថា​ វា​​​នឹង​មក​ពេល​ណា ហើយ​នៅ​យូរ​ប៉ុណ្ណា ​និង​មិន​ថា​តែ​ធ្ងន់​ធ្ងរ​ដល់​ថ្នាក់​ណាក៏​ដោយ​។

១០​មនុស្ស​ប្រុស​ប្រៀប​ដូច​​រថយន្ត​ជជុះ​… ទាំង​ងាយ​ស្រួល​ទិញ តម្លៃ​ថោក តោក​យ៉ាក​ និង​ជឿ​ទុក​ចិត្ត​​មិន​បាន។

១១​​មនុស្ស​ប្រុស​ប្រៀប​ដូច​ថ្ងៃ​ឈប់​សម្រាក​… ទោះ​ឈប់​យូរ​ប៉ុណ្ណា​ ក៏មើល​​មិន​ឃើញ​​ថា​​យូរ​​គ្រប់​គ្រាន់​​សម្រាប់​ឈប់​។

១២​មនុស្ស​ប្រុស​ប្រៀប​ដូច​ការ​ធ្វើ​នយោបាយ… ប្រើ​ពេល​វេលា​យូរណាស់​​ទម្រាំ​តែ​បាន​ធំធាត់​ខ្ពស់​មុខ​ខ្ពស់​មាត់​តាម​ដែល​ខ្លួន​​ចង់។

១៣​មនុស្ស​ប្រុស​ប្រៀប​ដូច​ស្បែក​ជើង​កែង​ចោត​… ងាយ​ស្រួល​ក្នុង​ការ​ប្រើ ​បើ​រាង​​អ្នក​នៅ​ខ្ញង់​​ នៅ​ពាក់​វា​បាន។

១៤​​មនុស្ស​ប្រុស​ប្រៀប​ដូច​​​ជោគ​ជតា​រាសី​… ដែល​ចាំប្រាប់​​អ្នក​ថាគួរ​​ធ្វើ​យ៉ាងណា ហើយ​​ក៏​ខុស​តែ​រហូត។

១៥​មនុស្ស​ប្រុស​ប្រៀប​ដូច​​​សភាព​ទឹក​ដី​ភ្លៀង​ខ្យល់​… គ្មាន​អ្វី​អាច​មក​ផ្លាស់​ប្រែ​វា​បាន​ទេ។

១៦​​មនុស្ស​ប្រុស​ប្រៀប​ដូច​ម៉ាស៊ីន​ទឹក​ក្រឡុក… អ្នក​ចង់​បាន​វា​ទាំង​ដែល​មិន​ដឹង​​​ពី​​​ហេតុ​ផល​ថា​​ត្រូវ​ការ​ដើម្បី​អ្វី?

១៧​មនុស្ស​ប្រុស​ប្រៀប​ដូច​ស៊ីម៉ងត៍​… ក្រោយ​ពី​ចាក់​បូក​រួច​ហើយ​ ក៏​ត្រូវ​រង់​ចាំ​​​ស្ទើរ​មួយ​ជាតិ​ទម្រាំ​តែ​វា​រឹង។

១៨​មនុស្ស​ប្រុស​ប្រៀប​ដូច​ស្ករ​សូកូឡា… ផ្អែម​ទន់​ជាប់​មាត់​​ ហើយ​ក៏​ស្ទុះ​ត្របាក់​​មក​​ត្រង់​ចង្កេះ​អ្នក​តែ​ម្តង។

១៩​មនុស្ស​ប្រុស​ប្រៀប​ដូច​​កំទេច​ដែក… ក្តៅ​​ជាប់​ជានិច្ច​ហើយ​ថែម​ទាំង​នៅ​ក្នុង​ក្បាល​របស់​អ្នក​ជាប់​រហូត។

២០​មនុស្ស​ប្រុស​ប្រៀប​ដូច​ម៉ាស៊ីន​កាត់​ស្មៅ​… ​បើ​អ្នក​មិន​អូស​វា​ទៅ​ណា​មក​ណា​ទេ​ អ្នក​ប្រាកដ​ជា​ត្រូវ​ឡើង​ជិះ​លើ​វា​ហើយ។

២១​​មនុស្ស​ប្រុស​ប្រៀប​ដូច​ភ្នំ​ភ្លើង​ផ្ទុះ… សប្បាយ​ក្នុង​ការ​មើល​ តែក៏​​មិន​មែន​ទាំង​អស់​ដែរ​!

២២​​មនុស្ស​ប្រុស​ប្រៀប​ដូច​ម៉ាស្ការ៉ា(ថ្នាំ​លាប​រោម​ភ្នែក)… ពួក​វានឹង​​ខ្ទាត​ខ្ចាយ​គ្រប់​ពេល​ដែល​អ្នក​កម្រើក​។

២៣​មនុស្ស​ប្រុស​ប្រៀប​ដូច​សំពត់​មីនី​ខ្លី​… បើ​អ្នក​មិន​ប្រយ័ត្ន​វា​នឹង​រំកិល​ឡើង​បន្តិច​ម្តង​ៗ​​ទៅ​លើ​ភ្លៅ​អ្នក​។

២៤​មនុស្ស​ប្រុស​ប្រៀប​ដូច​មី​កញ្ចប់​… នៅ​តែ​ក្នុង​ទឹក​ក្តៅៗ​​ គ្មាន​រសជាតិ​​ ថែម​ទាំង​​​ត្រូវ​ការ​គ្រឿង​​ផ្សំ​​ច្រើន​​បំផុត​តាម​ដែល​អាច​ធ្វើ​ទៅ​បាន​។​

២៥​​មនុស្ស​ប្រុស​ប្រៀប​ដូច​កន្លែង​ចត​រថយន្ត​… កន្លែង​ណា​ល្អ​ៗ​ក៏​មាន​គេ​ចត​រួច​ទៅ​ហើយ​ កន្លែង​​ដែល​នៅ​សល់​ក៏​តូច​ចង្អៀត​ ឬ​បើ​មិន​ដូច្នោះ​ក៏​គ្មាន​កន្លែងណា​គួរឲ្យ​ចាប់​អារម្មណ៍​សោះ​ឡើយ!

Read Full Post »

  1. មនុស្ស​ស្រី​មិន​ចូលចិត្ត​បុរស…​​ ដែលចូល​ចិត្ត​សម្តែង​ភាព​ទន់​ជ្រាយ​ មើល​ទៅ​មិន​រឹងប៉ឹង​​ដូច​ជា​​​យំ​ជាដើម។
  2. មនុស្ស​ស្រី​មិន​ចូល​ចិត្ត​បុរស​… ដែល​ធ្វើ​ខ្លួន​ដូ​ច​កូន​ក្មេង ភ្លីភ្លើ រក​តែ​រឿង​ឈ្លោះ​ គ្មាន​ហេតុ​ផល​ ឬ​រំអួយ​ហួស​ហេតុពេក។
  3. ​មនុស្ស​ស្រី​មិន​ចូល​ចិត្ត​បុរស…​ ដែល​ចូលចិត្ត​និយាយ​សម្តី​ផ្អែម​ល្ហែម​គ្រប់​ពេល​វេលា វា​មិន​បាន​ធ្វើ​ឲ្យ​ពួក​នាង​លង់​ស្នេហ៍​ទេ​ តែ​វា​ធ្វើ​ឲ្យ​រំខាន​ច្រើន​ជាង។
  4. ​មនុស្ស​ស្រី​មិន​ចូលចិត្ត​បុរស…​​ ដែល​និយាយ​កុហក​ មិន​គោរព​សន្យា និយាយ​ហើយ​ធ្វើ​មិន​បាន បើ​អ៊ីចឹង​ដដែល​​កុំ​និយាយ​ល្អ​ជាង។
  5. ​​មនុស្ស​ស្រី​មិន​ចូលចិត្ត​បុរស…​ ដែល​​ពូកែ​ខឹង​​ ប្រើ​អារម្មណ៍​ឲ្យ​ដឹក​ច្រមុះ រអ៊ូ​រ​ទាំ​ច្រើន​ និង​ចូល​ចិត្ត​ឡូឡា។
  6. ​ជួន​កាល​មនុស្ស​​​ស្រី​​​ក៏​មិន​ចូលចិត្ត​បុរស…​​​ ដែល​​យក​ចិត្ត​ទឹក​ទុក​​ដាក់​ចំពោះ​​នាង​ជ្រុល​ពេក​​ អ្វី​​​ដែល​ធ្វើ​​ទៅ​​​ហួស​ហេតុ​​ក៏​​លែង​សំខាន់​និង​គ្មាន​តម្លៃ។
  7. ​​ជួន​កាល​មនុស្ស​ស្រី​ក៏​មិន​ចូលចិត្ត​បុរស…​​ ដែល​​ចូលចិត្ត​និយាយ​សរសើរ​ ឬ​​​លើក​បញ្ជោរ​ហួស​ហេតុ​​ ដែល​ទង្វើ​បែប​នេះ​​​​​ធ្វើ​ឲ្យ​នារី​គិត​ថា​​ខ្លួន​នាង​គ្មាន​តម្លៃ។
  8. ​ជួន​កាល​មនុស្ស​ស្រី​ក៏​មិន​ចូល​ចិត្ត​បុរស…​​ ដែល​​ចូលចិត្ត​សួរ​ថានឹក​ឬ​ទេ? បើ​ត្រូវ​​និយាយ​ នាង​នឹង​​និយាយ​ដោយ​ខ្លួន​​ឯង​ មិន​ចាំ​បាច់​ប្រាប់​ទេ​។
  9. ​​ជួន​កាល​​មនុស្ស​ស្រី​ក៏​មិន​ចូល​ចិត្ត​​បុរស…​​ ដែល​​ចូល​ចិត្ត​ធ្វើ​ខ្លួន​ជា​ម្ចាស់​លើ​ខ្លួន​នាង​ពេក ព្រោះ​​វា​​ធ្វើ​ឲ្យ​​​ទទួល​អារម្មណ៍​ថា​គ្មាន​សេរី​ភាព​ និង​​តាន​​តឹង​​​ក្នុង​ទ្រូង​គ្រប់​ពេល​​។
  10. ​​ជួន​កាល​មនុស្ស​ស្រី​ក៏​មិន​ចូល​ចិត្ត​បុរស…​​ ដែល​ចូល​ចិត្ត​និយាយ​ថា​​ស្រលាញ់​នាង​គ្រប់​ពេល​វេលា​ពេក ​ព្រោះ​​វា​ធ្វើ​ឲ្យ​គ្មាន​តម្លៃ។
  11. ​​ជួន​កាល​មនុស្ស​ស្រី​ក៏​មិន​ចូល​ចិត្ត​បុរស…​​ ​ដែលចូល​ចិត្ត​​ធ្វើ​ខ្លួនរ៉ូមែន​ទិក​គ្រប់​ពេល​វេលា​​​​​ ​ព្រោះ​​​​វា​ធ្វើ​ឲ្យ​ឆាប់​ធុញ​ទ្រាន់​​​ ​ផ្អែម​ព្រឹក​ផ្អែម​ល្ងាច​​​​​ ​ផ្អែម​ទាល់​តែ​​ខ្ពើម​រអើម​គ្នា​ទៅវិញ​ទៅ​មក។
  12. ​​ជួន​កាល​មនុស្ស​ស្រី​ក៏​មិន​ចូល​ចិត្ត​បុរស…​​ ដែល​ចូល​ចិត្ត​ដើរ​តាម​គ្រប់​ជំហាន​​ ​ ព្រោះ​វា​គួរ​ឲ្យ​រំខាន​ណាស់។
  13. ​​ជួន​កាល​មនុស្ស​ស្រី​ក៏​មិន​ចូល​ចិត្ត​​បុរស…​​ ដែល​ចូលចិត្ត​អួត​តម្កើង​ខ្លួនឯង ​ធ្វើ​មើល​តែ​ខ្លួន​ឯង​ហ្នឹង​ពូកែ​ណាស់​​ បើ​មិន​ខ្មេះ​ទេ​កុំ​ព្រុស​​ប្រសើរ​ជាង។

Read Full Post »

Older Posts »